నవీపేట: మండలంలోని లింగాపూర్‌ గ్రామంలో శ్మశానవాటికి ఏర్పాటుకు స్థలం మంజూరు చేస్తానని సంయుక్త కలెక్టరు హర్షవర్ధన్‌ హామీ ఇచ్చారు. గ్రామంలో మంగళవారం నిర్వహించిన రెవెన్యూ సదస్సులో ఆయన మాట్లాడారు. ఈ సందర్భంగా ఆయన మాట్లాడుతూ స్థానికంగా నెలకొన్న చిన్నపాటి సమస్యలను వారం రోజుల లోపు పరిష్కరించాలని అధికారులను ఆదేశించారు. ఈ కార్యక్రమంలో తహశీల్దార్‌ రాజు, గ్రామ కార్యదర్శులు పాల్గొన్నారు.