సిద్దిపేట జిల్లా కేంద్రంలోని శ్రీచైతన్య టెక్నో పాఠశాల బ్రాంచ్ – 2లో విద్యా సంవత్సరం ప్రారంభమై వంద రోజులు పూర్తయిన సందర్భంగా ప్రీ ప్రైమరీ సెక్షన్ విద్యార్ధులకు వంద రోజుల పండుగను ఘనంగా నిర్వహించారు. ఈ మేరకు విద్యార్థులందరూ చాక్లెట్లు, బిస్కెట్లు, ఇతర తిను బండారాలతో వంద నెంబర్ ను అద్భుతంగా అలంకరించారు. విద్యార్థులు ఆలంకరించిన 100 నెంబర్ ఆకృతులు చూపరులను ఎంతగానో ఆకట్టుకున్నాయి. ఈ మేరకు విద్యార్థులకు తల్లిదండ్రులతో పాటు ఉపాధ్యాయులు శుభాకాంక్షలు తెలిపారు. ఈ కార్యక్రమంలో పాఠశాల ప్రిన్సిపాల్ జయ, ప్రీ ప్రైమరీ సెక్షన్ ఇంచార్జ్ శ్రీలత, ఇతర మహిళా ఉపాధ్యాయులు హాబీబా, ఐశ్వర్య, విద్య, ఇతర సిబ్బంది పాల్గొన్నారు.