మిర్యాలగూడ, జనం సాక్షి. వచ్చే శాసనసభ ఎన్నికలలో మిర్యాలగూడ నియోజవర్గానికి భారత రాష్ట్ర సమితి తరపున మరల తనకే టికెట్ కేటాయించినందుకు గాను రాష్ట్ర ముఖ్యమంత్రి కల్వకుంట్ల చంద్రశేఖర రావు కు మిర్యాలగూడ శాసనసభ్యులు నల్లమోతు భాస్కరరావు మంగళవారం ప్రగతిభవన్ లో కలిసి కృతజ్ఞతలు తెలియజేశారు. ఈ సందర్భంగా ఆయన మాట్లాడుతూ తనపై నమ్మకం ఉంచి మిర్యాలగూడ నియోజవర్గo అభ్యర్థిగా తన పేరును ఖరారు చేసినందుకు గాను ధన్యవాదాలు తెలుపుతూ సీఎం కేసీఆర్ నమ్మకాన్ని వమ్ము చేయకుండా విద్యుత్ శాఖామాత్యులు గుంతకండ్ల జగదీష్ రెడ్డి సహకారంతో మిర్యాలగూడ నియోజకవర్గంలో అత్యధిక మెజార్టీతో తను విజయం సాధిస్తానని అన్నారు. ఆయన వెంట మంత్రి జగదీష్ రెడ్డి తదితరులు ఉన్నారు.