ఆదిలాబాద్‌, సెప్టెంబరు 13: జిల్లాలోని పాఠశాల యాజమాన్యం, అభివృద్ధి కమిటీ సభ్యులకు శిక్షణ తరగతులను నిర్వహిస్తున్నట్లు జిల్లా విద్యాశాఖాధికారి అక్రముల్లాఖాన్‌ తెలిపారు. ఈ నెల 16వ తేదీ నుంచి 24వ తేదీ వరకు ప్రతి ఉదయం పది గంటల నుండి సాయంత్రం ఐదుగంటల వరకు ఈ శిక్షణ తరగతులు నిర్వహిస్తున్నట్లు తెలిపారు. ఈ నెల 16 నుంచి 18వరకు ఆదిలాబాద్‌లో ఏడు మండలాలలకు చెందిన సభ్యులకు అదే విధంగా మంచిర్యాలలో ఐదు మండలాల సభ్యులకు శిక్షణ ఉంటుందని తెలిపారు. ఈ నెల 19 నుంచి 21వరకు ఏడు మండలాలకు, అదేరోజు మంచిర్యాలలో మరో ఏడు మండలాలలకు తరగతులు ఉంటాయని వివరించారు. నిర్మల్‌లో  ఆరు మండలాలకు, అదే రోజు కాగజ్‌నగర్‌లో 12మండలాలకు చెందిన శిక్షణ తరగతులు ఉంటాయని, ఈ తరగతులకు ఇద్దరు పోషకులకుతో పాటు, ప్రధానోపాధ్యాయులు, సీనియర్‌ ఉపాధ్యాయులు హాజరుకావాల్సి ఉంటుందని ఆయన సూచించారు.