విద్యార్థులలో నాయకత్వ లక్షణాలను వెలికి తీసేందుకే ఎన్నికల నిర్వహణ

పాఠశాల కరస్పాండెంట్ గోవర్ధన్ రెడ్డి

ఇటిక్యాల (జనంసాక్షి) సెప్టెంబర్ 2 : విద్యార్థుల్లో నాయకత్వ లక్షణాలను వెలికి తీసేందుకు విద్యార్థులకు ఎన్నికలు నిర్వహించడం జరిగిందని పాఠశాల కరస్పాండెంట్ గోవర్ధన్ రెడ్డి అన్నారు. శనివారం మండల పరిధిలోని ఎర్రవల్లి చౌరస్తాలోని శ్రీ సరస్వతి పాఠశాలలో విద్యార్థులకు ఓటు హక్కు వినియోగం పై అవగాహన చేస్తూ ఎన్నికలు నిర్వహించారు. ఈ సందర్భంగా సాధారణ ఎన్నికల మాదిరిగా ప్రెస్ మీట్ ద్వారా అభ్యర్థుల తమ యొక్క మేనిఫెస్టోను విద్యార్థుల ముందు చదివి వినిపించి అభ్యర్థులు ప్రచారం మొదలు పెట్టారు. అనంతరం అసెంబ్లీ ఎన్నికల మాదిరిగా బ్యాలెట్ బాక్సులు ఏర్పాటు చేసి విద్యార్థులను ఓటు హక్కు వినియోగించుకునేలా చేశారు. ఎన్నికల్లో ఓటు ద్వారా పీపుల్స్ లీడర్, క్రీడా కార్యదర్శి, సాంస్కృతిక కార్యదర్శులను ఎన్నుకున్నారు. ఈ కార్యక్రమంలో పాఠశాల డైరెక్టర్ శ్రీనివాస్ రెడ్డి ప్రిన్సిపల్ వెంకటేశ్వర వైస్ ప్రిన్సిపల్ నందిని ప్రధానోపాధ్యాయులు మదలిక ఉపాధ్యాయులు మరియు విద్యార్థులు పాల్గొన్నారు