కృష్ణవేణి టాలెంట్ స్కూల్ లో ఉపాద్యాయ దినోత్సవ వేడుకలు.

బెల్లంపల్లి, సెప్టెంబర్ 5, (జనంసాక్షి )

బెల్లంపల్లి పట్టణంలోని కృష్ణవేణి టాలెంట్ స్కూల్ లో మంగళవారం సర్వేపల్లి రాధాకృష్ణన్ జయంతిని పురస్కరించుకొని ఉపాద్యాయ దినోత్సవాన్ని ఘనంగా నిర్వహించారు. ముందుగా పాఠశాల డైరెక్టర్, ప్రిన్సిపాల్ సర్వేపల్లి రాధాకృష్ణన్ చిత్రపటానికి పూలమాల వేసి జ్యోతి ప్రజ్వలన చేశారు. ఇందులో భాగంగా పదవ తరగతి విద్యార్థిని, విద్యార్థులు మిగతా తరగతుల వారికి పాఠాలను భోదించి స్వయం పాలనా దినోత్సవం (సెల్ఫ్ గవర్నమెంట్ డే) నిర్వహించారు. అనంతరం ఉపాద్యాయ దినోత్సవం సందర్భంగా ఉపాధ్యాయిని ఉపాధ్యాయులను ఘనంగా సత్కరించారు. ఉపాధ్యాయిని ఉపాధ్యాయులు ప్రసంగిస్తూ కృషి, పట్టుదల, అంకితభావం కలిగి ఉండాలన్నారు. సర్వేపల్లి రాధాకృష్ణన్ ని ఆదర్శంగా తీసుకోని అందరు విద్యార్థిని విద్యార్థులు ఉన్నత శిఖరాలకు చేరుకోవలన్నారు. ఈ కార్యక్రమంలో కృష్ణవేణి టాలెంట్ స్కూల్ డైరెక్టర్ ఈ రవి ప్రసాద్, ప్రిన్సిపాల్ యం రాజ రమేష్, ఉపాధ్యాయులు మల్లీశ్వరి, అలేఖ్య, స్వప్న, లావణ్య, అంజాద్ పాషా, రవి కుమార్ పాల్గొన్నారు.