మాజీ మంత్రి మాణిక్ రావు ఆశయ సాధనకు కృషి.

టిపిసిసి సీనియర్ ఉపాధ్యక్షులు తాండూర్ ఇంఛార్జి యం రమేష్ మహారాజ్.
తాండూరు సెప్టెంబర్ 5( జనం సాక్షి) మాజీ మంత్రి స్వర్గీయ మాణిక్ రావు ఆశయ సాధన కోసం కృషి చేస్తామని టిపిసిసి సీనియర్ ఉపాధ్యక్షులు తాండూర్ ఇన్చార్జి ఎం .రమేష్ మహారాజ్ పేర్కొన్నారు.బీసీల బంధవుడు, తొలి తెలంగాణ ఉద్యమంలో జైలు కెళ్లిన ఉద్యమకారుడు, తెలంగాణ సర్దార్, మాజీ మంత్రి కీర్తి.శే.యం. మాణిక్ రావు మహరాజ్ జయంతి సంద్భముగా మంగళవారం తాండూర్ పట్టణ డిసిఎంఎస్ కాంప్లెక్స్ ఎదురుగా ఉన్న మాజీ మంత్రి మాణిక్ రావు మహరాజ్ విగ్రహానికి పులామాల వేసి ఘనంగా నివాళులు అర్పించారు. ఈ సందర్భంగా టిపిసిసి సీనియర్ ఉపాధ్యక్షులు తాండూర్ ఇంఛార్జి యం.రమేష్ మహారాజ్ మాట్లాడుతూ మాజీ మంత్రి మాణిక్ రావు మహారాజ్ చూపిన బాటలో నడుచుకుంటూ ఆయన ఆశయ సాధన కోసం కలిసికట్టుగా కృషి చేస్తామని తెలిపారు. బడుగు బలహీన వర్గాల కోసం అనేక సేవా కార్యక్రమాలు నిర్వహించిన మహోన్నత వ్యక్తి మాణిక్ రావు మహారాజ్ అన్నారు. మాణిక్ రావు మహారాజ్ మంత్రిగా ఉన్నప్పుడు తాండూరు నియోజకవర్గం అభివృద్ధి పథంలో ముందుకు తీసుకెళ్లారని గుర్తు చేశారు.
ఈ కార్యక్రమంలో టిపిసిసి ప్రధాన కార్యదర్శి ధార సింగ్, సీనియర్ నాయకులు పి జనార్ధన్ రెడ్డి, ఉత్తమ్ చంద్, నరసింహులు సార్, నర్సి రెడ్డి,. కాంగ్రెస్ పార్టీ నాయకులు, మాణిక్ రావు మహారాజ్ అభిమానులు, బంధువులు, ఆత్మీయులు,వ్యాపారవేత్తలు.తదితరులు పాల్గొన్నారు.