ఉన్న స్థానం నుంచి ఉన్నతమైన స్థానానికి చేర్చిన దైవమే ఉపాధ్యాయుడు
మంథని ఎమ్మెల్యే శ్రీధర్ బాబు జనంసాక్షి, మంథని : పెద్దపల్లి జిల్లా మంథని మున్సిపల్ పరిధిలోని కూచిరాజుపల్లె లో తెలంగాణ మైనార్టీ రెసిడెన్సీ స్కూల్, జిల్లా పరిషత్ ప్రాథమిక బాలికల పాఠశాల, జిల్లా పరిషత్ బాలుర పాఠశాల లో, భారత మాజీ రాష్ట్రపతి సర్వేపల్లి రాధాకృష్ణ జయంతి సందర్భంగా మంథని ఎమ్మెల్యే దుద్దిల్ల శ్రీధర్ బాబు సర్వేపల్లి రాధాకృష్ణన్ చిత్రపటానికి పూలమాలలు వేసి నివాళులు అర్పించారు. భారతరత్న డాక్టర్ సర్వేపల్లి రాధాకృష్ణ జయంతి సందర్భంగా విద్యార్థుల బంగారు భవిష్యత్తుకు బాటలు వేస్తూ,వారిని ఉత్తమ పౌరులుగా తీర్చిదిద్దే గురువులందరికి ఉపాధ్యాయ దినోత్సవ శుభాకాంక్షలు తెలిపారు.
అనంతరం ఉపాధ్యాయ దినోత్సవం సందర్భంగా ఉపాధ్యాయులను శాలువతో సత్కరించారు. ఈ సందర్భంగా శ్రీధర్ బాబు మాట్లాడుతూ.. మంథని ప్రాంతం విద్య నిలయంగా ఉంది.. మంథని ప్రాంతంలో డిగ్రీ కళాశాల, అన్ని మండలాల్లో జూనియర్ కళాశాలలు, పాలిటెక్నిక్ కళాశాల, ఐఐటి కళాశాల, హార్టికల్చర్ కళాశాల, జేఎన్టీయూ కళాశాల, గిరిజన ఆశ్రమ పాఠశాలు, మోడల్ స్కూల్ ఇలా చాలా విద్యాలయాలు విద్యార్థులు చదువుకోడానికి తీసుకురావడం జరిగిందన్నారు. రానున్న రోజుల్లో కాంగ్రెస్ ప్రభుత్వ వచ్చిన వెంటనే ప్రతి చదువుకున్న విద్యార్థికి ఇక్కడే ఉద్యోగం చేసేలా చిన్న చిన్న ఫ్యాక్టరీలు నెలకొల్పి ప్రతి ఒక్కరికి ఉద్యోగం వచ్చేలా కృషి చేస్తానని మంథని ఎమ్మెల్యే దుద్దిళ్ళ శ్రీధర్ బాబు తెలిపారు. మంథని నియోజకవర్గ ప్రాంతంలో ఎక్కడ ఎక్కడ నుండి వచ్చి మా ప్రాంతంలో చదువును విద్యార్థికి అందిస్తున్న ఉపాధ్యాయులందరికీ ఉపాధ్యాయ దినోత్సవ సందర్భంగా వారికి ప్రత్యేక శుభాకాంక్షలు తెలిపారు. ఈ కార్యక్రమంలో మంథని బ్లాక్ కాంగ్రెస్ అధ్యక్షులు తొట్ల తిరుపతి యాదవ్, కాంగ్రెస్ పార్టీ నాయకులు, యూత్ కాంగ్రెస్ నాయకులు, కార్యకర్తలు తదితరులు పాల్గొన్నారు.
