మదర్ థెరిస్సా 26 వ వర్ధంతి సందర్భంగా మానసిక వికలాంగులకు ట్రై సైకిళ్ళ పంపిణీ

రఘునాథ పాలెం ,సెప్టెంబర్ 05 (జనం సాక్షి):మదర్ థెరిస్సా సేవా సమితి ఆధ్వర్యంలో ఖమ్మం బల్లేపల్లిలోని మదర్ థెరిస్సా మానసిక వికలాంగుల ఆశ్రమంలో మదర్ థెరిస్సా 26 వ వర్ధంతి సందర్భంగా రెండు ట్రై సైకిళ్లను పంపిణీ చేసి బోజన ఏర్పాట్లు చేశారు…ముఖ్య అతిథిగా తెలంగాణ రాష్ట్ర హ్యూమన్ రైట్స్ ఆఫ్ కౌన్సిల్ చైర్మన్ జర్పుల.స్రవంతి పాల్గొని ఆశ్రమంలో వున్న మానసిక వికలాంగులకు బోజనాలు వడ్డించారు. ఈ సందర్భంగా ఆమె మాట్లాడుతూ…దేశంలో వున్న ప్రతి పౌరుడు మానవత్వం కలిగి ఉండాలని,ప్రతి ఒక్కరూ ఎదుటి వారికి సహాయం చేసే గుణం కలిగి ఉండాలని,మదర్ థెరిస్సా లాగా సేవా దృక్పదం కలిగి సేవా కార్యక్రమాలలో పాల్గొనాలని పిలుపునిచ్చారు. ఈ కార్యక్రమంలో మదర్ థెరిస్సా సేవా సమితి అధ్యక్షులు భూక్యా వెంకన్న, భూక్యా రెడ్యా,తుమ్మలపల్లి శ్రీనివాస్,కరుణ,షేక్ ఫరీద్ తదితరులు పాల్గొన్నారు.