ఘనంగా ఉపాధ్యాయ దినోత్సవ వేడుకలు
దౌల్తాబాద్ సెప్టెంబర్ 5, జనం సాక్షి:ఉపాధ్యాయ దినోత్సవం పురస్కరించుకొని దౌల్తాబాద్ మండల పరిధిలో గాజులపల్లి ప్రభుత్వ ఉన్నత పాఠశాలలో డాక్టర్ సర్వేపల్లి రాధాకృష్ణ చిత్రపటానికి పూలమాలలు వేశారు. స్కూల్ ఉపాధ్యాయులను గ్రామ సర్పంచ్ అప్పవారి శ్రీనివాస్ శాలువాలతో ఘనంగా సన్మానించారు. ఈ సందర్భంగా మాట్లాడుతు ప్రభుత్వ పాఠశాలలను ప్రైవేటు పాఠశాలలకు దీటుగా విద్యను అందించే విధంగా కృషి చేయడం జరుగుతుందన్నారు . ఈ కార్యక్రమంలో ఎస్ఎంసి చైర్మన్, గ్రామ పెద్దలు, తదితరులు పాల్గొన్నారు.
