ఘనంగా ఉపాధ్యాయ దినోత్సవం

వేములవాడ, సెప్టెంబర్ 5 (జనంసాక్షి): డాక్టర్ సర్వేపల్లి రాధాకృష్ణ జన్మదినాన్ని పురస్కరించుకొని ప్రభుత్వ జూనియర్ కళాశాల, ప్రభుత్వ ఉన్నత పాఠశాలతో పాటుగా వివిధ ప్రవేట్ పాఠశాలలో మంగళవారం ఉపాధ్యాయ దినోత్సవం ఘనంగా నిర్వహించారు. సర్వేపల్లి రాధాకృష్ణ చిత్రపటానికి పూలమాలలు వేసి నివాళులు అర్పించారు. విద్యార్థులు ఉపాధ్యాయులను శాలువాలతో సత్కరించారు. ప్రభుత్వ ఉన్నత పాఠశాల ఫిజికల్ డైరెక్టర్ హమీద్ జిల్లా ఉత్తమ పీడీగా ఎంపికవడంతో ఉపాధ్యాయులు అభినందనలు తెలిపారు. కృష్ణవేణి పాఠశాలలో కరస్పాండెంట్ సన్నిధి వెంకట కృష్ణ ఉపాధ్యాయులను శాలువాలతో సన్మానించారు. ఆయా కార్యక్రమాల్లో ఉపాధ్యాయులు ప్రమీల, శిరోమణి, కోటేశ్వర్, అధ్యాపకులు భరత్ రెడ్డి, మహేందర్ రెడ్డి, శేఖర్, గోపి, సంతోష్, స్వప్న, లత, మంగ, జ్యోతి, మమత, అనిల్ కుమార్, తొగరి వెంకటేష్, తదితరులు పాల్గొన్నారు.