సాయి ప్రగతి లో ముందస్తు కృష్ణాష్టమి వేడుకలు
జనంసాక్షి, రామగిరి : పెద్దపల్లి జిల్లా రామగిరి మండలం బేగంపేట గ్రామం లో గల సాయి ప్రగతి విద్యానికేతన్ లో ముందస్తు శ్రీ కృష్ణ జన్మాష్టమి వేడుకలను బుధవారం ఘనంగా నిర్వహించారు. ఈ కార్యక్రమంలో భాగంగా పాఠశాల విద్యార్థినీ విద్యార్థులు కృష్ణ- గోపిక వేషధారణలో ఆట-పాటలతో అలరించారు. ఉట్టి కొట్టే కార్యక్రమం ప్రత్యేక ఆకర్షణగా నిలిచింది. ఈ కార్యక్రమంలో కరస్పాడెంట్ తిరుపతి రెడ్డి, డైరెక్టర్స్ శ్రీనివాస్, రంజిత్ రెడ్డి, ప్రిన్సిపాల్ ప్రశాంతి, ఉపాధ్యాయునులు పాల్గొన్నారు.
