మంథనిలో ఘనంగా శ్రీకృష్ణాష్టమి వేడుకలు

మంథని, జనం సాక్షి : శ్రీకృష్ణాష్టమి వేడుకలను మంథనిలో బుధవారం భక్తులు ఘనంగా నిర్వహించు కున్నారు. స్థానిక శ్రీమంత్రకూట రాధా సమేత గోపిజన వల్లభ, శ్రీ లక్ష్మినారాయణ స్వామి దేవాలయాలను భక్తులు దర్శించుకొని పలు ప్రత్యేక పూజలు నిర్వహించుకున్నారు. ఈ సందర్భంగా స్వామి, అమ్మవార్లకు వేద పండితులు శాస్రోక్తంగా పలు ప్రత్యేక పూజలు నిర్వహించారు. శ్రీ కృష్ణాష్టమి సందర్భంగా పట్టణంలోని ప్రజలు తమ పిల్లలకు, చిన్నారులకు కృష్ణుడి, గోపిక వేషధారణలు వేశారు. స్థానిక రావుల చెరువుకట్టలోని అంగన్‌వాడీ సెంటర్‌-4 లో శ్రీ కృష్ణాష్టమి వేడుకలను ఘనంగా నిర్వహించారు. శ్రీ కృష్ణాష్టమిని పురస్కరించుకొని చిన్నారులు రాధిక, కృష్ణుడి వేషధారణలో ఎంతగానో ఆలరించారు.