సరస్వతి స్కూల్లో ఘనంగా కృష్ణాష్టమి వేడుకలు

చిన్ని కృష్ణ, గోపికల వేషధారణలో చిన్నారులు
ఇటిక్యాల (జనంసాక్షి) సెప్టెంబర్ 6 :
మండల పరిధిలోని ఎర్రవల్లి చౌరస్తాలోని శ్రీ సరస్వతి హై స్కూల్ లో శ్రీ కృష్ణ జన్మాష్టమి వేడుకలు బుధవారం ఘనంగా నిర్వహించారు. ఈ సందర్భంగా శ్రీకృష్ణ జన్మాష్టమి వేడుకలను పురస్కరించుకొని బాలురు శ్రీ కృష్ణ వేషధారణలో, బాలికలు గోపికల వేషధారణలో ఉత్సాహంగా ఉట్టి కొట్టి నృత్యాలు చేస్తూ అందరిని అలరింపజేశారు. అనంతరం పాఠశాల కరస్పాండెంట్ గోవర్ధన్ రెడ్డి మాట్లాడుతూ శ్రీకృష్ణుని అవతారం గురించి మరియు అతని జన్మస్థలం విశిష్టతను విద్యార్థులకు తెలియజేశారు. ఈ కార్యక్రమంలో ప్రధానోపాధ్యాయురాలు మధులిక, ప్రిన్సిపల్ వెంకటేశ్వరరావు, ఉపాధ్యాయులు, విద్యార్థులు, తల్లిదండ్రులు పాల్గొన్నారు.