సంగారెడ్డి జిల్లా కేంద్రంలో ఘనంగా శ్రీ కృష్ణాష్టమి వేడుకలు

సంగారెడ్డి బ్యూరో ,  జనం సాక్షి , సెప్టెంబర్ 7   :సంగారెడ్డి పట్టణంలోని గణేష్ నగర్ కాలనీలో గల  శ్రీ మురళీకృష్ణ ఆలయంలో శ్రీ కృష్ణాష్టమి వేడుకలు అత్యంత వైభవంగా నిర్వహించారు. ఈ వేడుకల్లో  ఆలయ అర్చక స్వాములు,   కాలనీవాసులతోపాటు  పిల్లలు పెద్దలు పాఠశాలలోని విద్యార్థులు అధిక సంఖ్యలో పాల్గొని కృష్ణాష్టమి వేడుకల్లో తమ భక్తి భావాన్ని వెల్లడించారు. గణేష్ నగర్ లోని శ్రీ మురళీకృష్ణ ఆలయంలో జరిగిన కృష్ణాష్టమి వేడుకల్లో హ్యాండ్లూమ్ డెవలప్మెంట్ కార్పొరేషన్ చైర్మన్ చింత ప్రభాకర్ పాల్గొని ప్రత్యేక పూజలు నిర్వహించారు .అనంతరం ఆలయ నిర్వహణ అధ్యక్ష , కార్యదర్శులు చింతా ప్రభాకర్ కు శాలువాతో సన్మానించారు. అనంతరఅర్చక స్వాములు వేద ఆశీర్వచనములు ప్రసాదాలను అందజేశారు .ఈ కార్యక్రమంలో మాజీ సి.డి.సి చైర్మన్ విజేందర్ రెడ్డి ,కౌన్సిలర్ పవన్ నాయక్ ,కంది జెడ్పీటీసీ కొండల్ రెడ్డి, మాజీ ఎంపీటీసీ లాడే మల్లేశం ,సర్పంచ్ మోహన్ సింగ్ నాయక్, మాజీ సర్పంచ్ రామ్ రెడ్డి ,భక్తులు ఆలయ కమిటీ సభ్యులు పాల్గొన్నారు