చౌటుప్పల్‌: మండలంలోని స్వాములవారి లింగోటంలో గ్రామపంచాయతీ కార్యాలయాన్ని మునుగోడు ఎమ్మెల్యే యాదగిరిరావు సోమవారం ప్రారంభించారు. రూ. 10లక్షల ఉపాధి హామీ నిధులతో ఈ భవనాన్ని నిర్మించారు. ఈ సందర్భంగా ఎమ్మెల్యే మాట్లాడుతూ నూతనంగా ఎన్నికైన గ్రామ పంచాయతీల పాలకవర్గాలు ఐక మత్యంతో పనిచేయాలని కోరారు. గ్రామాల్లోని సమస్యల పరిష్కారానికి తన వంతు కృషి చేస్తానని తెలిపారు. ఈ కార్యక్రమంలో చౌటుప్పల్‌ ఎంపీడీవో రజిత, సహాయ ఇంజినీరు గాలయ్య తదితరులు పాల్గొన్నారు.