మోత్కూరు : నల్గొండ జిల్లా భువనగిరికి చెందిన వాత్సాల్య విద్యాసంస్థల బస్సు ప్రమాదంలో గాయపడిన మరో విద్యార్థి మృతి చెందాడు. ఈ నెల 3న భువనగిరి మండలం ముస్త్యాలపల్లి వద్ద డ్రైవర్‌ నిర్లక్ష్యంతో కళాశాల బస్సు చెట్టును ఢీకొట్టింది. ఈ ఘటనలో ఇద్దరు విద్యార్థులు అక్కడికక్కడే మృతి చెందిన సంగతి తెలిసిందే. అదే ప్రమాదంలో తీవ్రంగా గాయపడిన మోత్కూరుకు చెందిన డేవిడ్‌ రాజు(24) సికింద్రాబాద్‌ గాంధీ ఆసుపత్రిలో చికిత్స పొందుతూ ఈ తెల్లవారుజామున మృతి చెందాడు.