చెన్నై: కేంద్రం నుంచి తమిళనాడు రాష్ట్ర ప్రభుత్వానికి సంపూర్ణ సహకారం అందిస్తామని బిజెపి ప్రధాన మంత్రి అభ్యర్థి నరేంద్ర మోడీ తమిళనాడు ముఖ్యమంత్రి జయలలితకు హామీ ఇచ్చారు. మోడీ ఈ రోజు ఫోన్ లో ఆమెతో మాట్లాడారు. లోక్ సభ ఎన్నికలలో మోడీ నాయకత్వంలో బిజెపి అద్వితీయమైన మెజార్టీ సాధించినందుకు అభినందనలు తెలియజేస్తూ జయలలిత లేఖ రాశారు. ప్రధానిగా మోడీ తన పదవీకాలంలో విజయవంతమైన పాలన అందిస్తారని ఆమె ఆకాంక్షించారు.
ఆ లేఖకు స్పందిస్తూ మోడీ ఆమెతో ఫోన్ లో మాట్లాడారు. కేంద్ర ప్రభుత్వం నుంచి తమిళనాడు ప్రభుత్వానికి సంపూర్ణ సహాకారాలు అందిస్తామని ఆయ జయలలితకు హామీ ఇచ్చారు. తమిళనాడులో 39 లోక్ సభ స్థానాలలో అన్నాడిఎంకె 37 స్థానాలకు గెలుచుకున్నందుకు మోడీ ఆమెకు అభినందనలు తెలిపారు.
