హైద‌రాబాద్ జ‌నంసాక్షి
నగరంలో నేరాల అడ్డుకట్టకై పోలీసులు అర్థరాత్రి వేళల్లో జరుపుతున్న తనిఖీలను ముమ్మరం చేశారు. ఇందులో భాగంగా హైదరాబాద్‌లో మంగళవారం రాత్రి పోలీసులు సైదాబాద్ సింగరేణి కలనీ, జూబ్లీహిల్స్ కార్మికనగర్, రెహ్మత్ నగర్‌లలో పోలీసులు అకస్మిక తనిఖీలు నిర్వహించారు.
ఈస్ట్ జోన్ డీసీపీ ఆధ్వర్యంలో సుమారు 250మంది పోలీసులుతో జరిపిన ఈ అకస్మిక తనిఖీలలో 18మంది అనుమానితులను అదుపులోకి తీసుకున్నారు. వారి నుంచి 11వేల గుడుంబా ప్యాకెట్లు, 170 సిలెండర్లు, 17 గ్యాస్ రీఫిల్లింగ్ యంత్రాలను పోలీసలు స్వాధీనం చేసుకున్నారు.అదేవిధంగా ఎనిమిదిమంది రౌడీషీటర్లు, 32మంది అనుమానితుల్ని పోలీసులు అదుపులోకి తీసుకుని, వారి నుంచి 2వేల గుడుంబా ప్యాకెట్లు స్వాధీనం చేసుకుని 24 వాహనాలను సీజ్ చేసినట్టు పోలీసులు తెలిపారు.
