ప్రపంచ వ్యాప్తంగా ప్రస్తుతం అధిక శాతం మంది ఉప‌యోగిస్తున్న ఇన్‌స్టంట్ మెసేజింగ్ యాప్‌ల‌లో వాట్సాప్ మొద‌టి స్థానంలో ఉంది. ఈ యాప్‌ను ప్రస్తుతం ఫేస్‌బుక్ మాతృ సంస్థ మెటా నిర్వహిస్తోంది. ఇప్పటికే ఎన్నో ఆక‌ట్టుకునే ఫీచ‌ర్లను వాట్సాప్‌లో అందిస్తున్నారు. అనేక కొత్త ఫీచ‌ర్లను కూడా అందుబాటులోకి తెస్తున్నారు.ఇప్పటికే స్టేటస్‌కు పాటల్ని జోడించడం, నచ్చిన వ్యక్తులను ‘మెన్షన్‌’ చేసే సదుపాయం తీసుకొచ్చిన మెసేజింగ్‌ ప్లాట్‌ఫామ్‌ త్వరలో మరో నాలుగు సరికొత్త స్టేటస్‌ ఫీచర్లను అందుబాటులోకి తీసుకురానుంది. ఈ విషయాన్ని మెటా తన అధికారిక బ్లాగ్‌లో ప్రకటించింది. నచ్చిన లేఅవుట్‌, మోర్‌ విత్‌ మ్యూజిక్‌, ఫొటో స్టిక్కర్స్‌, యాడ్‌ యువర్స్‌.. ఈ నాలుగు స్టేటస్‌ ఫీచర్లను యూజర్లకు త్వరలో పరిచయం చేయనున్నట్లు వెల్లడించింది.