మల్లాపూర్ ఆగస్టు 10(జనం సాక్షి)మల్లాపూర్ మండల కేంద్రంలోని మోడల్ స్కూల్లో చదువుకునే వివిధ గ్రామాల విద్యార్దిని,విద్యార్దులకు సుమర్ 50 పాస్ లను మల్లాపూర్ అంబేడ్కర్ యూత్ అధ్వర్యంలో ఉచితంగా అందించారు. ఈ బస్ పాసులకు అయ్యే ఖర్చును అంబేద్కర్ యూత్ తరఫున అందిస్తున్నట్టు తెలిపారు. ఈ సందర్భంగా వారు మాట్లాడుతూ విద్యార్థులు ఉన్నత విద్య అభ్యసించి మండలానికి మంచి పేరు తీసుకురావాలని, కష్ట పడి చదివి తల్లిదండ్రుల కలలను నిజం చెయ్యాలని అన్నారు.ఈ బస్ పాస్ లను ప్రతి విద్యార్థి సద్వినియోగించుకోవాలని కోరారు. ఈ కార్యక్రమంలో అంబేడ్కర్ యూత్ అధ్యక్షుడు బండారి రమేష్, ఉపాధ్యక్షుడు రామ నవీన్, ఆకుతోట నరేష్,పెద్దిరెడ్డి లక్ష్మణ్, ఆకుతోట నర్సయ్య,నుతిపల్లి రాజం,అజయ్,మోడల్ స్కూల్ ప్రిన్సిపాల్ అలియొద్దిన్ ఉపాధ్యాయులు, కండెక్టర్ శేఖర్,విద్యార్థులు పాల్గొన్నారు..