గృహప్రవేశం చేసిన పవన్‌ దంపతులు
విజయవాడ, జూన్‌22(జ‌నం సాక్షి ) : జనసేన అధినేత పవన్‌ కల్యాణ్‌ శుక్రవారం విజయవాడలోని పడమటలంకలో నూతన గృహప్రవేశం చేశారు. అద్దెకు ఓ ఇంటిని తీసుకున్న పవన్‌ శుక్రవారం సతీసమేతంగా పూజా కార్యక్రమాల్లో పాల్గొన్నారు. గుంటూరు జిల్లా నంబూరులో లింగమనేని టౌన్‌షిప్‌ వద్ద నిర్మించిన దశావతార వెంకటేశ్వరస్వామి దివ్య ప్రతిష్ఠ మ¬త్సవ కార్యక్రమానికి సంప్రదాయ వస్త్రధారణతో వెళ్లిన పవన్‌ కల్యాణ్‌ అంతకుముందే అద్దెకు తీసుకున్న ఇంట్లో పూజలు చేశారు. గురువారం హైదరాబాద్‌ నుంచి కుటుంబ సమేతంగా విజయవాడ చేరుకున్న పవన్‌… శుక్రవారం ఉదయం నిరాడంబరంగా గృహప్రవేశం చేశారు. ప్రస్తుతం పవన్‌ విజయవాడకు ఎప్పుడొచ్చినా ¬టల్‌లోనే ఉంటున్నారు. రామవరప్పాడు వద్ద ప్రారంభించిన జనసేన పార్టీ కార్యాలయాన్ని జిల్లా కార్యాలయంగా ఉంచాలని, కొత్తగా రాజధాని ప్రాంతంలో భూమిపూజ చేసిన రాష్ట్ర పార్టీ కార్యాలయం పనులు త్వరగా ప్రారంభింపజేయాలని, ఈ లోగా శుక్రవారం గృహప్రవేశం చేసిన నివాసంలో ఉంటూ పార్టీ వ్యవహారాల పర్యవేక్షణ, ముఖ్యనేతలతో సమావేశాల నిర్వహణ చేయాలన్నది పవన్‌ ఆలోచనగా ఉందని ఆ పార్టీ వర్గాలు తెలిపాయి.