నదుల అనుసంధానంతో నీటి సమస్యలపై పోరు

పల్లెబాట ముగింపులో బాలకృష్ణ

అనంతపురం,జూన్‌30(జ‌నం సాక్షి): తెలుగుదేశం పార్టీకి కార్యకర్తలే అండని, వారే రేపటి నాయకులని హిందూపురం ఎమ్మెల్యే నందమూరి బాలకృష్ణ అన్నారు. ఏపీని ముఖ్యమంత్రి చంద్రబాబు దూరదృష్టితో అభివృద్ధి చేస్తున్నారన్నారు. పట్టిసీమతో నదుల అనుసంధానం చేసి హంద్రీనీవా ద్వారా రాయలసీమను సస్యశ్యామలం చేసేందుకు తీవ్రంగా కృషి చేస్తున్న అపర భగీరథుడు చంద్రబాబు అని కొనియాడారు. మూడు రోజుల పాటు నిర్వహించిన ప్లలెబాట కార్యక్రమాన్ని చిలమత్తూరులో ముగించారు. ఈ సందర్భంగా ఎమ్మెల్యే మాట్లాడుతూ తెలుగుదేశం పార్టీ అన్ని వర్గాలకు అధికారం, సంక్షేమ పథకాలను అందిస్తున్నదన్నారు. కొన్ని పార్టీలు టీడీపీ గురించి కారు కూతలు కూస్తున్నాయని రాజీనామా డ్రామాలు ఆడుతున్నాయని విమర్శించారు. రాష్ట్ర విభజన సందర్భంలో ప్రత్యేక ¬దా కల్పించాలని మద్దతు తెలిపిన బీజేపీ అధికారంలోకి వచ్చాక మోసం చేసిందన్నారు. ఏపీ ప్రజలను మోసం చేసిన బీజేపీకీ కర్ణాటక ఎన్నికల్లో తెలుగు ప్రజలు బుద్ధి చెప్పారన్నారు. అవినీతిప రులు, కుట్రదారులు పాదయాత్రల పేరుతో విూ ముందుకు వస్తున్నారని వారికి వచ్చే ఎన్నికల్లో తగిన గుణపాఠం చెప్పాలన్నారు. జడ్పీ చైర్మన్‌ పూల నాగరాజు మాట్లాడుతూ కష్టాల్లో ఉన్న రాష్టాన్ని అభివృద్ధి చేసేందుకు కసిగా పనిచేస్తున్న ముఖ్యమంత్రి చంద్రబాబుకు అందరు మద్దతుగా నిలిచి మరోసారి అధికారంలోకి తీసుకురావాలన్నారు. ఎంపీ నిమ్మల కిష్టప్ప మాట్లాడుతూ ప్రత్యేక ¬దా, కడప ఉక్కు కోసం పోరాటం చేస్తుంటే కేంద్ర ప్రభుత్వానికి చీమకుట్టినట్టు కూడా లేదని విమర్శించారు. కార్యక్రమంలో జడ్పీటీసీ సభ్యుడు లక్ష్మీనారాయణరెడ్డి, టీడీపీరాష్ట్ర కార్యదర్శి దేమకేతేపల్లి అంజినప్ప, ఎమ్మెల్యే పీఏ వీరయ్య, హిందూపురం జడ్పీటీసీ సభ్యుడు ఆదినారాయణ, ఎన్‌బీకే ఫ్యాన్స్‌ కన్వీనర్‌ నంబూరి సతీష్‌, రాష్ట్ర చంద్ర దండు ఉపాధ్యక్షుడు అన్సార్‌ అహ్మద్‌, చిలమత్తూరు సర్పంచు శ్రీకళ, హిందూపురం, చిలమత్తూరు మండల కన్వీనర్లు ఆశ్వర్థనారాయణరెడ్డి, బాబురెడ్డి తదితరులు పాల్‌గ్గొన్నారు.