దేస్ పూర్: అసోంను భారీ వరదలు ముంచెత్తాయి. ఎడతెరిపి లేకుండా కురుస్తున్న వర్షాలతో కోక్రాజర్‌ తదితర ప్రాంతాల్లో వేలాది మంది నిరాశ్రులయ్యారు. భారీ వర్షాలకు నదులతో పాటు.. వాగులు వంకలు ఉప్పొంగి ప్రవహిస్తున్నాయి. గ్రామాలన్నీ జలమయం కాగా.. వరదలతో జనం నిత్యనరకం అనుభవిస్తున్నారు. నది ఉప్పొంగి రోడ్డు పైనుంచి ప్రవహిస్తుండటంతో.. ప్రయాణికులు ప్రాణాలకు తెగించి అవతలి ఒడ్డుకు చేరుకుంటున్నారు. ఇప్పటికే వేలాది ఇళ్లు, పంటలు నీట మునిగాయి. రహదారులు పూర్తిగా చెరువులను తలపిస్తున్నాయి. వరదలపై అప్రమత్తమైన ప్రభుత్వం.. సహాయక చర్యలు చేపట్టింది. రెస్క్యూ సిబ్బంది బోట్లలో వెళ్లి.. వరద బాధితులను సురక్షిత ప్రాంతాలకు తరలిస్తున్నారు.
