చేర్యాల (జనంసాక్షి) జూన్ 23 : మండల కేంద్రం నుండి జిల్లా కేంద్రానికి ఉదయం పూట బస్సు సౌకర్యం కల్పించాలని ప్రయాణికులు వేడుకుంటున్నారు. గురువారం వారు “జనంసాక్షి”తో మాట్లాడారు. చేర్యాల నుండి సిద్దిపేట జిల్లా కేంద్రం వరకూ ఉదయం 6 గంటల లోపు ఆర్టీసీ బస్సు సౌకర్యం లేకపోవడంతో ప్రయాణికులు తీవ్ర ఇబ్బందులు పడుతున్నారు. నిత్యం ఉద్యోగులు, వ్యాపారస్తులు, విద్యార్థులు, దూరప్రాంతానికి వస్తూ వెళ్తుంటారు. తెల్లవారుజామున బస్సులు లేకపోవడం వల్ల ఆటోలు, స్వంత వాహనాలలో వెళ్లడం వల్ల ప్రమాదాలకు గురవుతున్న సంఘటన ఉన్నాయన్నారు. ఈ విషయమై పలుమార్లు జనగామ డిపో మేనేజర్ తో మాట్లాడినప్పటికీ ఫలితం లేదని ప్రయాణికులు ఆవేదన వ్యక్తం చేస్తున్నారు.