జిన్నారం జులై 11(జనంసాక్షి) సంగారెడ్డి జిల్లా పటాన్చెరు నియోజకవర్గం జిన్నారం మండలం ఐడిఏ బొల్లారం మున్సిపాలిటీ పరిధిలోని పాతబస్తిలో భారతీయ జనతా పార్టీ తెలంగాణరాష్ట్ర మాజీ అధ్యక్షులు మరియు కరీంనగర్ జిల్లా ఎం.పీ బండి సంజయ్ కుమార్ జన్మదిన వేడుకలు సంగారెడ్డి జిల్లా భారతీయ జనతా పార్టీ సీనియర్ నాయకులు టి.రవీందర్ రెడ్డి ఆధ్వర్యంలో బొల్లారంలో ఘనంగా నిర్వహించారు!! ఈ సందర్భంగా కాలనీలోని సుమారు 150 మందికి ఒక్కొక్కరికి ఐదు కిలోల బియ్యం, కూరగాయలు, టమాటలు, పచ్చిమిర్చి, బెండకాయలు, ఉల్లిపాయలు,ఆలుగడ్డలు మొదలగు కూరగాయలను పంపిణీ చేశారు! ఈ కార్యక్రమంలో భాగంగా టి.రవీందర్ రెడ్డి మాట్లాడుతూ బండి సంజయ్ కుమార్ అన్నపై నాకు ఉన్న అభిమానంతో ఇలా ప్రతి సంవత్సరం సేవా కార్యక్రమం చేస్తూ ఉంటానని అన్నారు!! ప్రస్తుతం నిత్యవసర సరుకులు ఆకాశమంటిన తరుణంలో పేదవారికి ఎంతో కొంత వారికి ఆసరా అవుతానని బియ్యం మరియు కూరగాయలు పంపిణీ చేస్తానని తెలిపారు. అలాగే బండి సంజయ్ బిజెపి పార్టీని ఇంకా బలోపేతం చేయాలని కోరుకుంటూ ఆయనకు జన్మదిన శుభాకాంక్షలు తెలిపారు. అనంతరం పట్టణ అధ్యక్షులు కే.జే.ఆర్ ఆనంద్ కృష్ణారెడ్డి మరియు సీనియర్ నాయకులు ఉదయ్ కిరణ్ బండి సంజయ్ కి జన్మదిన శుభాకాంక్షలు తెలిపారు. ఈ కార్యక్రమంలో కౌన్సిలర్లు టి.సాయి కిరణ్ రెడ్డి, వి.శ్రీకాంత్ యాదవ్, మహిళా మోర్చా అధ్యక్షురాలు డి.స్రవంతి నరసింహారెడ్డి, జిల్లా మహిళా కార్యవర్గ సభ్యురాలు టి.మేఘన రెడ్డి, సీనియర్ నాయకులు బి.రాజు, వసంత్ కుమార్, రాజ్కుమార్, రవికుమార్ పార్టీ కార్యకర్తలు మహిళా కార్యకర్తలు భారీగా పాల్గొన్నారు.