హైదరాబాద్ : ప్రముఖులు ఓటు హక్కును వినియోగించుకుంటున్నారు. జీహెచ్‌ఎంసీ కమిషనర్‌ జనార్దన్‌రెడ్డి, రాష్ట్ర ఎన్నికల కమిషనర్‌ నాగిరెడ్డి కుందన్‌బాగ్‌లో ఓటు హక్కు వినియోగించుకున్నారు. బీజేపీ ఎమ్మెల్సీ చింతల రాంచంద్రారెడ్డి తమ ఓటు హక్కును వినియోగించుకున్నారు. నగరంలోని ఉస్మానియా యూనివర్సిటీలో ఓటు వేసి.. ప్రతి ఒక్కరు తమ ఓటు హక్కును వినియోగించుకోవాలని పిలుపునిచ్చారు. పది నిమిషాల సమయాన్ని ఓటు వేసేందుకు కేటాయించాలని కోరారు. జూబ్లీహిల్స్‌లోని పోలింగ్‌ కేంద్రంలో సినీనటుడు, హిందూపురం ఎమ్మెల్యే నందమూరి బాలకృష్ణ ఓటు హక్కు వినియోగించుకున్నారు.