హుజూర్ నగర్ మే 8 (జనంసాక్షి): కంటి వెలుగు కార్యక్రమాన్ని ప్రతి ఒక్కరు సద్వినియోగం చేసుకోవాలని హుజూర్ నగర్ చైర్ పర్సన్ గెల్లీ అర్చనరవి అన్నారు. కంటి సమస్యలతో బాధపడుతున్న వారికి స్పష్టమైన కంటిచూపు అందించాలని సదుద్దేశంతో ముఖ్యమంత్రి కేసీఆర్ కంటి వెలుగు పథకాన్ని తీసుకువచ్చినందున ప్రతి ఒక్కరూ కంటి వెలుగు కార్యక్రమాన్ని సద్వినియోగం చేసుకోవాలని కోరారు. సోమవారం హుజూర్ నగర్ 25 వార్డు నందు నిర్వహించిన కంటి వెలుగు శిబిరాన్ని వార్డ్ కౌన్సిలర్ అస్మా నసిర్ తో కలిసి ప్రారంభించి మాట్లాడుతూ వైద్య ఆరోగ్యశాఖ మున్సిపల్ సిబ్బందితో కంటి వెలుగు కార్యక్రమం తుది దశకు చేరుకున్నదున ప్రజల్లో విస్తృత ప్రచారం నిర్వహిస్తున్నట్లు తెలిపారు. ప్రతి శిభిరం వద్ద ప్రజలు బారులు తీరుతున్నట్టు తెలిపారు.
ఈ కార్యక్రమంలో క్యాంపు సూపర్వైజర్ ఇందిరాల రామకృష్ణ , డాక్టర్ సుష్మ, మల్లిక, శివ, మాధవి, వార్డు ఇంచార్జ్ ముత్యాలు, సహిద్, రహిం, జనిపాషా, సహెర, ఆశా కార్యకర్తలు, ఆర్ పి లు హేమలత, శారద, నిర్మల పాల్గొన్నారు
