కీసర , జనం సాక్షి : నాగారం మున్సిపాలిటీ పరిధిలోని 14వ వార్డు ఇందిరా ప్రియదర్శిని వీకర్ సెక్షన్ కాలనీ ఓనర్స్ అసోసియేషన్ నూతన కార్యవర్గం శుక్రవారం ఎన్నికైంది . అధ్యక్షుడుగా ఏ . వెంకట్ ఉపాధ్యక్షులుగా సిహెచ్ . కనకయ్య , మేరీ , జి . యాదగిరి ప్రధాన కార్యదర్శిగా ఎస్ . శంకరయ్య కోశాధికారిగా బి . సిద్ధులు ఎన్నికయ్యారు . ఈ సందర్భంగా నూతన కార్యవర్గం మున్సిపల్ చైర్మన్ కౌకుంట్ల చంద్రారెడ్డి , కౌన్సిలర్ బిజ్జ శ్రీనివాస్ గౌడ్ ను ఘనంగా సన్మానిం చారు . ఈ సందర్భంగా చైర్మన్ మాట్లాడుతూ కాలనీ అభివృద్ధి కొరకు తన వంతు కృషి చేస్తానన్నారు . బిజ్జ శ్రీనివాస్ గౌడ్ మాట్లాడుతూ కాలనీ అభివృద్ధి కొరకు సమిష్టిగా పని చేయాలన్నారు . ఈ కార్యక్రమంలో కాలనీ బిఆర్ఎస్ పార్టీ అధ్యక్షుడు దయ్యాల శ్రీశైలం యాదవ్ , కార్యవర్గ సభ్యులు పాల్గొన్నారు .