సూర్యాపేట ప్రతినిధి (జనంసాక్షి): రాఖీ పండుగ విద్యార్థులలో స్నేహ భావం, సోదర భావం పెంపొదిస్తుందని 45వ వార్డు కౌన్సిలర్ గండూరి పావని కృపాకర్, బీఆర్ఎస్ పార్టీ జిల్లా నాయకులు గండూరి కృపాకర్ అన్నారు.రాఖీ పౌర్ణమిని పురస్కరించుకుని జిల్లా కేంద్రంలోని విద్యానగర్ లో కిడ్జీ ప్లే స్కూల్ నందు కరస్పాండెంట్ ఉజ్వల్ ఆధ్వర్యంలో నిర్వహించిన రక్షా బంధన్ వేడుకలకు వారు ముఖ్య అతిథులుగా పాల్గొన్నారు.ఈ సందర్భంగా ఆ స్కూల్ చిన్నారులు గండూరి పావని కృపాకర్ దంపతులకు రాఖీలు కట్టి పండుగ శుభాకాంక్షలు తెలిపారు.అనంతరం చిన్నారులకు స్వీట్లు పంపిణీ చేశారు. ఈ కార్యక్రమంలో స్కూల్ ప్రిన్సిపాల్ నిత్య , టీచర్లు స్వప్న, స్వాతి, నితీష తదితరులు పాల్గొన్నారు.