కారులో వెళుతున్న వారిని ఢీకొన్న లారీ

ఐదుగురు తమిళనాడు వాసుల మృతి

చిత్తూరు,ఆగస్టు 21(జ‌నం సాక్షి): కుప్పం-పలమనేరు జాతీయ రహదారిలోని కడపల్లి వద్ద మంగళవారం ఘోర రోడ్డు ప్రమాదం సంభవించింది. లారీ, కారును ఢీకొనడంతో కారులో ప్రయాణిస్తున్న ఐదుగురు అక్కడకక్కడే మృతి చెందారు. ఘటనాస్థలానికి చేరుకున్న పోలీసులు మృతులు తమిళనాడు, ధర్మపురి ప్రాంతాలకు చెందినవారుగా గుర్తించారు. వారంతా విరూపక్షపురానికి వెళుతున్నట్టు సమాచారం. కుప్పం-పలమనేరు జాతీయ రహదారిలోని కడపల్లి వద్ద మంగళవారం ఈ ఘోర రోడ్డు ప్రమాదం సంభవించింది. తమిళనాడు రాష్ట్రం ధర్మపురికి గ్రామానికి చెందిన ఐదుగురు మారుతి జెన్‌ 9617 కారులో పలమనేరు వద్ద ఉన్న విరుపాక్షిపురానికి పక్షవాతానికి మందు తీసుకోవడానికి వెళ్లి తిరుగు ప్రయాణంలో కడపల్లి వద్ద ప్రమాదానికి గురయ్యారు. లారీ ఢీకొనడంతో కారులో ఉన్న ఐదుమందిలో నలుగురు అక్కడికక్కడే మరణించగా, మిగిలిన వ్యక్తిని ఆస్పత్రికి తరలిస్తుండగానే మృతి చెందాడు. వీరిలో నలుగురు పురుషులు, ఒక మహిళ ఉన్నారు. మత్యువాత పడిన వారి పేర్లు శేఖర్‌, రంగప్ప, మోహన్‌ కుమార్‌లుగా పోలీసులు గుర్తించారు. ముగ్గురు పేర్లు తెలిశాయి. మిగిలిన ఓ మహిళ ఇంకో వ్యక్తి పేరు తెలియాల్సి ఉంది.