కమిషన్‌ ఛైర్మన్‌ త్రిపురాన
హైదరాబాద్‌ : నిషేధించిన గుట్కాలు బహిరంగ మార్కెట్లో లభ్యమవడానికి వ్యవస్థలో లోపాలే కారణమని రాష్ట్ర మహిళా కమిషన్‌ ఛైర్మన్‌ త్రిపురాన వెంకటరత్నం అభిప్రాయపడ్డారు. అప్కా స్వచ్ఛంద సంస్థ ఆధ్వర్యంలో బాగ్‌లింగంపల్లిలోని సుందరయ్య విజ్ఞాన కేంద్రంలో ‘గుట్కాల నిషేదం-పౌర సంస్థ పాత్ర’ అనే అంశంపై జరిగిన రౌండ్‌ టేబుల్‌ సమావేశంలో ఆమె మాట్లాడారు. ఏ కిల్లీ కొట్టులో చూసినా గుట్కాలు, పొగాకు ఉత్పత్తులు తోరణాలుగా కట్టి విక్రయిస్తున్నారని చెప్పారు. వీటిని నియంత్రించేందుకు ప్రభుత్వం, పోలీసులే ప్రయత్నించాలనే భావన ప్రజల్లో ఉండటం సరికాదన్నారు. అరోగ్యానికి హాని కల్గించే పదార్థాలను నిషేధించినా, లేకపోయినా వాటిని వాడకపోవడమే ఉత్తమమని ఆమె అభిప్రాయపడ్డారు.
