అనంతపురం,మే5(జ‌నం సాక్షి):  అనంతపురం మార్కెట్‌ యార్డులో గొర్రెల కాపరి ఎల్లప్పపై ఓ వ్యాపారి కత్తితో దాడి చేశాడు. దీంతో తీవ్రంగా గాయపడిన ఎల్లప్పను చికిత్స కోసం ప్రభుత్వ ఆసుపత్రికి తరలించారు. అప్పటికే మృతి చెందినట్లు వైద్యులు ధృవీకరించారు. పోలీసులు అందించిన వివరాల మేరకు బుక్కరాయసముద్రం మండలం హైస్కూల్‌ కొట్టాలకు చెందిన ఎల్లప్ప శనివారం ఉదయం తనకు చెందిన 20 గొర్రెలను విక్రయించడానికి అనంతపురం మార్కెట్‌ యార్డుకు తీసుకువచ్చాడు. గొర్రెల ధరను ఎల్లప్ప చెప్పటంతో వ్యాపారి అంత ధర చేయవని బదులిచ్చాడు. దీంతో ఇద్దరి మధ్య వాదనలు పెరిగి ఘర్షణ చోటు చేసుకుంది. సవిూపంలో ఉన్న రైతులు ఇద్దరికీ సర్ధిచెప్పి పంపారు. ఈ క్రమంలో పక్కకు వెళుతున్న ఎల్లప్పపై వ్యాపారి కత్తితో దాడి చేశాడు. అనంత మూడో పట్టణ పోలీసులు కేసు నమోదు చేసుకుని దర్యాప్తు చేపడుతున్నారు.