టేకులపల్లి, జూలై 10( జనం సాక్షి): తెలంగాణ ఉద్యమకారుడు, ముఖ్యమంత్రి కెసిఆర్ కు అతి సన్నిహితుడు జిల్లా గ్రంథాలయ సంస్థ చైర్మన్ దిండిగాల రాజేందర్ పుట్టినరోజు సందర్భంగా టేకులపల్లి మండల కేంద్రంలో సోమవారం బిఆర్ఎస్ పార్టీ నాయకులు, ఆయన అభిమానులు ఘనంగా వేడుకలను జరుపుకున్నారు. టేకులపల్లి ప్రాథమిక పాఠశాలలో ఆనాటి తెలంగాణ ఉద్యమకారులు తేజావత్ రవి, కుమ్మరి కిరణ్ ఆధ్వర్యంలో కేక్ కట్ చేసి శుభాకాంక్షలు తెలిపారు. పాఠశాలలోని విద్యార్థిని, విద్యార్థులకు అరటి పండ్లు, కేకు ముక్కలు పంపిణీ చేశారు. ఈ పుట్టినరోజు సందర్భంగా వీరితోపాటు టేకులపల్లి మండలానికి చెందిన నాయకులు ఇల్లందులోని ఆయన స్వగృహంలో కలిసి పుష్ప గుచ్చం అందించి పుట్టినరోజు శుభాకాంక్షలు తెలిపారు. ఈ కార్యక్రమంలో టేకులపల్లి గ్రామపంచాయతీ సర్పంచ్ బోడ సరిత, బీఆర్ఎస్ మండల కమిటీ ప్రధాన కార్యదర్శి బోడ బాలు నాయక్, తేజావత్ వస్త్రం, కో ఆప్షన్ సభ్యులు ఎండి మౌలానా, ముస్లిం పెద్దలు, బిఆర్ఎస్ నాయకులు ఎండి హాజీ, కొట్టే సురేష్, బల్లెం బిక్షం, గ్యారే పృద్వి తదితరులు పాల్గొన్నారు.