జాతీయ ఆహార భద్రత పథకం కింద కందుల పంపిణీ -వ్యవసాయ మండల అధికారి రాధ.

గద్వాల నడిగడ్డ, జులై 4 (జనం సాక్షి);జాతీయ ఆహార భద్రత పథకం కింద వడ్డేపల్లి మండల పరిధిలోని రామాపురం గ్రామ రైతులకు ప్రతి రైతుకు 4 కేజీల కందులను మంగళవారం వడ్డేపల్లి వ్యవసాయ అధికారిని రాధ ఉచితంగా పంపిణీ చేసినట్లు ఆమె తెలిపారు.
2023 -24 వ సంవత్సరం వానాకాలం సీజన్ కి సంబంధించి ఎన్ ఎఫ్ ఎస్ ఎం చిరు సంచల ప్రయోగం పథకం కింద కందులు డబ్ల్యు ఆర్ జి ఇ 93, ఎల్ ఆర్ జి 52, పి ఆర్ జి 176, రకాలు ఉచితంగా పంపిణీ చేయడం జరిగిందని మండల మొత్తానికి 250 ప్యాకెట్లు అందుబాటులో ఉన్నాయని, ఒక రైతుకు 4 కేజీల ఒక బ్యాగ్ మాత్రమే ఇవ్వబడునని ఆసక్తిగల రైతులు సంబంధిత వ్యవసాయ విస్తరణ అధికారికి సంప్రదించాలని, కందులు కావలసిన రైతులు రైతు పాస్ బుక్ ఆధార్ కార్డు జిరాక్స్ తప్పకుండా ఇవ్వాలని ఆమె తెలిపారు.