తొర్రూర్ 1 జూలై (జనంసాక్షి )

కేంద్ర విద్యా మంత్రిత్వ శాఖ ఆద్వర్యం లో దేశం లోని పాఠశాలల్లో పారిశుధ్యం, పరిశుభ్రత, నీటి నిర్వహణ మొదలగు అంశాలలో ఇచ్చే  స్వచ్ఛ విద్యాలయ పురస్కార్ 2021-2022 మహబూబాబాద్ జిల్లా స్థాయి అవార్డు కు తొర్రూర్ మండలం లోని కర్కాల ప్రాథమిక పాఠశాల ఎంపికై  కలెక్టర్ కె . శశాంక్, అడిషనల్ కలెక్టర్ అభిలాష అభినవ్  చేతుల మీదుగా ప్రశంసా పత్రం అందుకున్నట్లు పాఠశాల ప్రధానోపాధ్యాయులు శ్రీ పులి ముత్తిలింగం తెలిపారు. ఈ కార్య క్రమం లో ఎస్ఎంసి  చైర్మన్ శ్రీకూస అశోక్, గ్రామ పంచాయతీ సెక్రటరీ శ్రీ శేఖర్, ఉపాధ్యాయుడు  గోపు రాజేశ్వర్ మరియు సెగ్గెం సురేందర్ పాల్గొన్నారు. ఈ  సందర్భంగా ప్రధానోపాధ్యాయులు పులి ముత్తిలింగం మాట్లాడుతూ ఈ అవార్డు పాఠశాల పట్ల తన బాధ్యతలను ఇంకా పెంచిందని, పాఠశాల పారిశుధ్య అభివృద్ధికి, పాఠశాల నిర్వహణ లో గ్రామ సర్పంచ్ మరియు గ్రామస్తుల సహకారం తీసుకుని పాఠశాల అభి వృద్ధి చేస్తామని తెలిపారు