న్యూఢిల్లీ: ఢిల్లీ అసెంబ్లీ ఎన్నికల్లో కాంగ్రెస్ ఘోరమైన ఫలితాలను చవిచూడటంతో ఆ పార్టీ అధ్యక్షడు అరవిందర్ సింగ్ లవ్లీ రాజీనామా చేశారు. గతంలో ఎన్నడూ చూడని ఫలితాలతో బొక్కబోర్లా పడ్డ కాంగ్రెస్ డైలామాలో పడింది.
అంతకుముందు జరిగిన అసెంబ్లీ ఎన్నికల్లో కాంగ్రెస్ తన ప్రతిష్టను కాపాడుకున్నా.. ఈసారి మాత్రం భిన్నమైన పరిస్థితులను చవిచూసింది. దీంతో దానికి నైతిక బాధ్యత వహిస్తూ ఢిల్లీ పీసీసీ అధ్యక్షుడు అరవిందర్ సింగ్ రాజీనామా చేయక తప్పలేదు.
