హైదరాబాద్‌,అక్టోబరు 26(జనంసాక్షి): తెలంగాణ రాష్ట్రంలో ఆదివారం రాత్రి 8గంటల వరకు 14,729 శాంపిల్స్‌ పరీక్షించగా.. 582 మందికి పాజిటివ్‌ నిర్ధారణ అయ్యింది. దీంతో మొత్తం ఇప్పటి వరకు నమోదైన కేసుల సంఖ్య 2,31,834కి చేరింది. ఈ మేరకు వైద్య ఆరోగ్యశాఖ సోమవారం ఉదయం బులిటెన్‌ విడుదల చేసింది. నిన్న ఒక్కరోజే కరోనాతో నలుగురు మృతి చెందారు. దీంతో మృతుల సంఖ్య 1,311కి చేరింది. కరోనా బారి నుంచి నిన్న 1,432 మంది కోలుకున్నారు. దీంతో ఇప్పటివరకు కోలుకున్న బాధితుల సంఖ్య 2,11,912కి చేరింది. రాష్ట్రంలో ప్రస్తుతం 18,611 యాక్టివ్‌ కేసులు ఉన్నాయని, వారిలో 15,582 మంది ¬ం ఐసోలేషన్‌లో చికిత్స పొందుతున్నారని వైద్య ఆరోగ్యశాఖ తెలిపింది. జీహెచ్‌ఎంసీ పరిధిలో నిన్న ఒక్క రోజే 174 కేసులు నమోదయ్యాయి. అత్యధికంగా నల్గొండలో 87, రంగారెడ్డి జిల్లాలో 55 కేసులు నమోదయ్యాయి.