ఇటిక్యాల జనం సాక్షి జూలై 15 : హైదరాబాదులోని తెలంగాణ రాష్ట్ర కాంగ్రెస్ పార్టీ అధ్యక్షులు రేవంత్ రెడ్డిని శనివారం ఎర్రవల్లి సర్పంచ్ జోగుల రవి మర్యాదపూర్వకంగా కలిశారు. ఈ సందర్భంగా రేవంత్ రెడ్డి అలంపూర్ నియోజకవర్గలోని కాంగ్రెస్ పార్టీ బలోపేతం కు సంబంధించి సర్పంచ్ రవిని అడిగి తెలుసుకున్నారు. అలాగే రాబోయే సార్వత్రిక ఎన్నికల్లో కాంగ్రెస్ పార్టీ విజయం సాధిస్తుందని రేవంత్ రెడ్డి విశ్వాసం వ్యక్తం చేశారు. అందుకే కాంగ్రెస్ పార్టీ శ్రేణులు అందరూ సమిష్టి గెలుపే లక్ష్యంగా కృషి చేయాలన్నారు. అలంపూర్ నియోజకవర్గంలో మాజీ శాసన సభ్యులు ఎస్.ఎ సంపత్ కుమార్ గెలుపు తథ్యమని అందుకు యువ నాయకత్వాన్ని ముందుండి నడిపించాలని ఎర్రవల్లి సర్పంచ్ జోగుల రవికి సూచించారు.