పట్టించుకోని అధికారులు.. కొండమల్లేపల్లి ఫిబ్రవరి 6 (జనంసాక్షి) న్యూస్ : ప్రజలు ఆరోగ్యాలను దెబ్బతీయడం.. భూతాపం పెరగడంతోపాటు పలు విపత్తులకు కారణమయ్యే న్యాణత లేని పాలిథిన్ (ప్లాస్టిక్) ఉత్పత్తులపై ప్రభుత్వం విధించిన నిషేదం మూణ్ణళ్ల ముచ్చటగా మారింది. దానికితోడు ఇటీవల రాష్ట్ర ప్రభుత్వం అమలు చేసిన పట్టణ, పల్లె ప్రగతిలో భాగంగా అధికారులు, ప్రజాప్రతినిధులు పూర్తిస్థాయిలో ప్లాస్టిక్ ఉత్పత్తుల విక్రయాలను నిలిపి వేయాలని కోరుతూ.. స్థానిక వ్యాపారులకు అవగాహన కల్పించారు. అంతేకాకుండా మున్సిపాలిటీలు, గ్రామ పంచాయతీల నుంచి తీర్మానం చేసి నిషేధించిన ప్లాస్టిక్ ఉత్పత్తులను విక్రయిస్తే చర్యలు తీసుకుంటామని వ్యాపారులకు నోటిసులు సైతం జారీ చేశారు. వ్యాపారులపై అధికారుల నిఘా కొరవడటంతో కొందరు వ్యాపారులు తిరిగి నాణ్యతలేని ప్లాస్టిక్ ఉత్పత్తులను యథేచ్చగా విక్రయిస్తున్నారు కొండమల్లేపల్లి మండలంలోని అన్ని పంచాయతీలు, అనుబంధ గ్రామాలు సైతం నాణ్యత లేని పాలిథిన్ కవర్లు, ఇతర ఉత్పత్తుల విక్రయాలు విచ్చలవిడిగా సాగుతున్నాయి. ప్రభుత్వ కార్యాలయాలు మొదలుకొని హోటళ్లు, అల్పాహార, కిరాణ ,బట్టల షాపు, పాలు పెరుగు షాపు, చికెన్, మటన్ షాపు, ఎల్లక్ట్రానిక్, కూరగాయాలు, పండ్లు, ఇతర చిరు దుకాణాల్లో వీటి వాడకం రోజురోజుకు పెరిగిపోతుంది. 40 మైక్రాన్ల కంటే తక్కువగా ఉన్న పాలిథిన్ సంచులను తయారు చేయడం, ఉపయోగించడాన్ని గతంలో ప్రభుత్వం నిషేధిం చింది. అయినప్పటికీ కొండమల్లేపల్లి మండలంలో పాలిథిన్ సంచుల నాణ్యతను గుర్తించే యంత్రాలు లేకపోవడం, సంబంధిత శాఖ అధికారుల అలసత్వం కారణంగా 40 మైక్రాన్ల కంటే తక్కువగా ఉన్న పాలిథిన్ సంచులనే వ్యాపారులు వాడుతున్నారు. మండలంలో రోజుకు సగటు60 నుంచి 80 కిలోల వరకు పాలిథిన్ సంచులు విక్రయం సాగుతుంది. గ్రామాల్లోని పలు కాలనీల్లో వాడిపాడేస్తున్న పాలిథిన్ సంచులను కొందరు ఇళ్ల సమీపంలోనే కాల్చుతున్నారు. దీంతో సమీపంలోని ఇళ్లలోకి విషపూరితమైన పొగ, వ్యాపిస్తూ ప్రజల రోగాలు బారిన పడుతున్నారు.
ప్లాస్టిక్ అనర్థాలు…
పాలిథిన్ సంచులు ఏళ్ల తరబడి భూమిలో కరిగిపోకుండా ఉండడంతో విపరీ తమైన భూతాపం పెరుగుతుంది. వర్షాకాలంలో కాల్వాల్లో వరద ప్రవాహాన్ని అడ్డుకుని సమస్య లను సృష్టిస్తాయి. నాణ్యతగా లేని పాలిథిన్ గ్లాసులు, ఇతర ఉత్పత్తుల్లో టీ, వేడీ ఆహార పదార్థా లను తినడం వల్ల పలు రకాల వ్యాధుల బారినపడే అవకాశం ఉంటుందని వైద్యులు హెచ్చరిస్తున్నారు. వీటిని జనావాసాల మధ్యన కుప్పగా పడేసి కాల్చడంతో విషపూరితమైన పొగ కారణం గా శ్వాత కోస వ్యాధులు వచ్చే అవకాశం ఉంది సంబంధిత అధికారులు, ప్రజా ప్రతినిధులు వెంటనే స్పందించి ప్లాస్టిక్డిక్ ను సంపూర్ణంగా నిషేధించి ప్రజల ఆరోగ్యాన్ని కాపాడాలని ప్రజలు వేడుకుంటున్నారు
