లారీని గుద్దిన ఆరెంజ్‌ బస్సు: ముగ్గురు మృతి

నెల్లూరు,జనవరి25(జ‌నంసాక్షి): నెల్లూరు జిల్లాలో జరిగిన ఘోర రోడ్డు ప్రమాదంలో ముగ్గురు మృతి చెందారు. కావలి మండలంలోని మద్దురపాడు సవిూపంలో జాతీయ రహదారిపై గురువారం ఉదయం ఘోర రోడ్డుప్రమాదం చోటుచేసుకుంది. విశాఖ నుంచి బెంగళూరుకు వెళుతున్న ఆరెంజ్‌ ట్రావెల్స్‌ బస్సు ముందు వెళ్తున్న లారీని ఓవర్‌టేక్‌ చేయబోతూ ప్రమాదానికి గురైంది. ఈ ప్రమాదంలో బస్సులో ప్రయాణిస్తున్న వారిలో ముగ్గురు మృతి చెందారు. వీరిని విశాఖ సీతమ్మధారకు చెందిన సామవేదం సూర్యకుమారి(65), విజయవాడకు చెందిన తాడినాడ ప్రణీత్‌(25), రాజమహేంద్రవరం పరిధిలోని మోరంపూడి గ్రామానికి చెందిన రామదాసు(55)లుగా గు/-ర్తించారు. వీరు ప్రమాదస్థలిలోనే అక్కడికక్కడే మృతి చెందారు. కావలి గ్రావిూణ పోలీసులు కేసు నమోదు చేసి దర్యాప్తు చేపడుతున్నారు.