ఇస్లామాబాద్‌: పాకిస్థాన్‌లో అమెరికా మరోసారి వైమానిక దాడులు చేసింది. శుక్రవారం ఉత్తర వజీరిస్థాన్‌ గిరిజన ప్రాంతంలో జరిపిన దాడుల్లో 18 మంది ఉగ్రవాదులు మరణించారు. ఈ మేరకు పాకిస్థాన్‌ రేడియో వెల్లడించింది. తాజా దాడుల్లో మృతిచెందిన వారి సంఖ్య పెరిగే అవకాశముందని పేర్కొంది. మరోవైపు గత కొన్ని వారాలుగా అమెరికా వైమానిక దాడులు చేస్తుడటంపై పాకిస్థాన్‌ ప్రభుత్వం మండిపడుతోంది. ఈ విషయంలో రెండు రోజుల కిందటే అమెరికా దౌత్యాధికారుల ముందు నిరసన వ్యక్తం చేసింది. అయినా అమెరికా మరోసారి దాడులు చేయడం విశేషం.