సిరోల్ మండలంలో అక్రమ రవాణాకు పాల్పడితే పీడీ యాక్ట్ కింద కేసు నమోదు చేస్తాం
– ఎస్సై రమాదేవి  డోర్నకల్/ సిరోల్, ఆగస్టు 22,జనం సాక్షి న్యూస్ : మహబూబాబాద్ జిల్లా సిరోలు మండలంలోని ఏకలవ్య గురుకులం దగ్గర్లో రోడ్డుమీద మంగళవారం సిరోలు మండల కేంద్రానికి చెందిన గర్రెపల్లి భాస్కర్, ప్రొద్దుటూరి సంతోష్, గర్రిపల్లి శ్రీనివాస్ అనే ముగ్గురు వ్యక్తులు ద్విచక్ర వాహనం మీద బియ్యం అక్రమంగా తీసుకుని వెళుతుండగా వాళ్లని పట్టుకొని వారి వద్ద నుండి తొమ్మిది బస్తాలు నాలుగు క్వింటాల 50 కేజీల పీడీఎస్ బియ్యం, మూడు ద్విచక్ర వాహనాలను సీజ్ చేసి ఆ ముగ్గురిపై కేసు నమోదు చేయడం జరిగిందని ఎస్సై రమాదేవి తెలిపారు. సిరోల్ మండలంలో ఎవరైనా అక్రమ రవాణాకు పాల్పడితే వారిపై పిడి యాక్ట్ కింద కేసు నమోదు చేస్తామని ఎస్సై రమాదేవి హెచ్చరించారు.