జనంసాక్షి మంథని : సమస్యల పరిష్కార విషయంలో పోరాట స్పూర్తి కల్గిన నాయకుడు మాచిడి సత్యనారాయణ గౌడ్‌ అని పెద్దపల్లి జిల్లా పరిషత్‌ చైర్మన్‌ పుట్ట మధూకర్‌ అన్నారు. ఇటీవల మృతి చెందిన మాచిడి సత్యనారాయణ గౌడ్‌, చంద్రయ్య గౌడ్‌ ల సంతాప సభలో ఆయన పాల్గొని మాట్లాడారు. కార్మికుల హక్కులు, సమస్యల విషయంలో ముందుండిపోరాటంచేసే వాడని, ప్రజా సేవ చేయాలనే తపన కూడా సత్తన్నలో ఉందన్నారు. సమస్యల పరిష్కారం తనతో కాకపోతే మరొకరితో పోరాటం చేయించడంలో ముందుండేవాడని ఆయన తెలిపారు. సత్తన్నతో తనకు విద్యార్థి దశ నుంచే పరిచయం ఉందని, ఆనాడు కృష్ణసేనలో సభ్యత్వం ఇప్పించాడని, ఆ తర్వాతనే తాను ఎన్‌ఎస్‌యూఐలో చేరినట్లు వివరించారు. నాయకుడిగా నాయకుడి లక్షణాలు ఉన్న వ్యక్తులను గుర్తించడంలో సత్తన్న సాటి ఎవరు లేరన్నారు. అనేక సంవత్సరాల అనుబందం ఉన్న సత్తన్న ఆనారోగ్యంతో మృతి చెందడం బాధాకరమన్నారు.