హైదరాబాద్‌: గ్రామీణ పాఠశాల విద్యార్థుల్లో ప్రస్తుత సమాజం పట్ల అవగాహన పెంచే లక్ష్యంతో యునిసెఫ్‌ చేపట్టిన మీనా ప్రపంచం రేడియో కార్యక్రమాన్ని ప్రాథమిక విద్యాశాఖామంత్రి శైలజానాథ్‌ ప్రారంభించారు. హైదరాబాద్‌ బషీరాబాగ్‌లో ఉన్న రాజీవ్‌ విద్యా మిషన్‌ కార్యాలయంలో జరిగిన ఓ కార్యక్రమంలో మీనా ప్రపంచం ఆడియో సీడీల్ని మంత్రి విడుదల చేశారు.రాష్ట్రవ్యాప్తంగా 20వేల పాఠశాలల్లో వారానికి 5రోజుల పాటు ఈ కార్యక్రమం ప్రసారం అవుతుంది. మధ్యాహ్నం 11గంటల 45నిమిషాల నుంచి పావుగంట పాటు ప్రసారమయ్యే ఈ కార్యక్రమాన్ని రేడియోల ద్వారా విద్యార్థులకు వినిపించనున్నారు.