ఇంద్రవెల్లి: మండలకేంద్రంలోని టామాటా గ్రామం వద్ద ఉట్నూరు డిపోకు చెందిన బస్సు మామిడిచెట్టుకు ఢికొంది. దీంతో 25 మందికి తీవ్రగాయాలుకాగా   10 మందికి స్వల్పగాయాలయ్యాయి. ఈ బస్సు ఆదిలాబాద్‌కు వెళుతుండగా   బస్సుడ్రైవర్‌ శ్రీనివాస్‌ సెల్‌లో మాట్లాడుతూ చూడకపోవటంతో ఈ ప్రమాదం జరిగిందని ప్రయాణికులు తెలియజేశారు. విషయం తెలిసి  న్యూస్‌టుడే ప్రతినిధి చొరవతీసుకుని అంబులెన్స్‌కు, పోలీసులకు ఫోన్‌చేయగా వారు వెంటనేస్పందించి సంఘటనాస్థలానికి చేరుకున్నారు. ఎక్కువగా గాయనడినవారిని రిమ్స్‌కు స్వల్పగాయాలయిన వారిని మండలకేంత్ర ఆసుపత్రికి తరలించారు.