సంగారెడ్డి,డిసెంబరు 12 (జనంసాక్షి): ఐడీఏ బొల్లారం పారిశ్రామికవాడలోని వింధ్యా ఆర్గానిక్‌ పరిశ్రమలో శనివారం మధ్యాహ్నం అగ్నిప్రమాదం సంభవించింది. మంటలు చెలరేగడంతో కార్మికులు తీవ్ర భయాందోళనకు గురై పరిశ్రమ నుంచి బయటకు పరుగులు తీశారు. కొందరు కార్మికులు పరిశ్రమలోనే చిక్కుకున్నట్లు తెలుస్తోంది. సమాచారం అందుకున్న పోలీసులు, అగ్నిమాపక సిబ్బంది ఘటానస్థలికి చేరుకుంది. అగ్నిమాపక సిబ్బంది మంటలను అదుపు చేస్తోంది. ఆ ప్రాంతంలో దట్టమైన పొగలు అలుముకున్నాయి. రియాక్టర్‌ పేలుడు వల్లే అగ్నిప్రమాదం సంభవించినట్లు పోలీసులు భావిస్తున్నారు. కొంతమంది కార్మికులకు కాళ్లు, చేతులు పడిపోయినట్లు సమాచారం. ఆరుగురు కార్మికులకు తీవ్ర గాయాలు కాగా, చికిత్స నిమిత్తం ఆస్పత్రికి తరలించారు.