రాజ‌న్న సిరిసిల్ల : వేములవాడ ఆల‌య అభివృద్ధిపై రాష్ట్ర ఐటీ, పుర‌పాల‌క శాఖ మంత్రి కేటీఆర్ మంగ‌ళ‌వారం స‌మీక్ష నిర్వ‌హించారు. వేములవాడ ఎమ్మెల్యే ర‌మేశ్ బాబు, సంబంధిత అధికారుల‌తో క‌లిసి మంత్రి కేటీఆర్ ఉన్న‌త‌స్థాయి స‌మీక్షా స‌మావేశం నిర్వ‌హించారు. ఈ సంద‌ర్భంగా మంత్రి కేటీఆర్ మాట్లాడుతూ.. వేములవాడ ఆల‌యాన్ని యాదాద్రి త‌ర‌హాలో అభివృద్ధి చేస్తామ‌ని ప్ర‌క‌టించారు. మ‌హా శివ‌రాత్రికి భ‌క్తుల ర‌ద్దీని దృష్టిలో ఉంచుకుని ఏర్పాట్లు చేయాల‌ని అధికారుల‌ను ఆదేశించారు. భ‌క్తుల‌కు ఎలాంటి ఇబ్బందులు క‌ల‌గ‌కుండా అన్ని సౌక‌ర్యాలు, వ‌స‌తులు క‌ల్పించాల‌న్నారు. వేములవాడ జాత‌ర‌కు సౌక‌ర్యాలు క‌ల్పించేందుకు అద‌న‌పు నిధులు కేటాయిస్తాం. జాత‌ర‌లో సాంస్కృతిక కార్య‌క్ర‌మాలు ఘనంగా నిర్వ‌హించాలి. రాష్ట్ర సాంస్కృతిక శాఖ‌తో స‌మ‌న్వ‌యం చేసుకోవాల‌ని అధికారుల‌కు కేటీఆర్ సూచించారు.
