చైర్మన్ సురేందర్ రెడ్డి జనంసాక్షి, మంథని : గాంధీభవన్ లో సోమవారం రాష్ట్ర కిసాన్ కాంగ్రెస్ అధ్యక్షులు అన్వేష్ రెడ్డి అధ్యక్షతన నిర్వహించిన రైతు గోస సభకు మంథని ఎమ్మెల్యే దుద్దిల్ల శ్రీధర్ బాబు ఆదేశాల మేరకు పెద్దపల్లి జిల్లా కిసాన్ కాంగ్రెస్ చైర్మన్ ముస్కుల సురేందర్ రెడ్డి ఆధ్వర్యంలో పలువురు కాంగ్రెస్ నాయకులు తరలి వెళ్లారు. రాష్ట్రంలో రాబోయేది కాంగ్రెస్ ప్రభుత్వమేనని కాంగ్రెస్ అధికారంలోకి రాగానే రైతులకు అండగా అనేక కార్యక్రమాలు సంక్షేమ పథకాలు అమలు చేసి తీరుతామని నాయకులు స్పష్టం చేశారు. సురేందర్ రెడ్డి తో పాటు కాంగ్రెస్ నాయకులు అజీమ్ ఖాన్, నాగుల రాజయ్య, బండారి ప్రసాద్, రాజమల్లు తో పాటు పలు మండలాల కిసాన్ కాంగ్రెస్ అధ్యక్షులు పాల్గొన్నారు.