టెక్కలి: నౌపొడ, గుణుపూర్‌ బ్రాడ్‌ గేజ్‌ లైన్‌లో వస్తున్న ప్యాసింజర్‌ రైలుకు పెను ప్రమాదం తప్పింది. శ్రీకాకుళం జిల్లా పాతపట్నం మండలం లక్ష్మిపురం సమీపంలో ట్రాక్‌ వెల్డింగ్‌ వూడి పట్టా విరిగిపోయింది. అదే గ్రామానికి చెందిన శింగిపురం శ్రీను అనే యువకుడు విరిగిన రైలుపట్టాను గమనించి సమీపంలో ఉన్న మేస్త్రి సాయంతో అదేసమయంలో అటుగా వస్తున్న రైలుకు ఎదుకుగా పరిగెత్తుకుంటూ వెళ్లి హెచ్చరికలు చేశాడు. గమనించిన లోకో ఫైలెట్‌ రైలును నిలిపివేయడంతో ప్రమాదం తప్పింది.